Archive for Otsaila, 2011

Argazkian Erroma, Abenduaren 14an.

Bagatoz bueltan Euskal Herrira,

Bigarren zati honetan Erroman eta Milanen egon gara. Bertan aurreko egunetan bezala bertako ikasleekin egon gara alde batetik bestera. Gainera Duela 2 urte gure herrira etorri ziren ikasleekin egoteko parada hartu dugu eta historia zaharrak gogoratu ditugu barre artean.

Euskal Herri osoan baino biztanle gehiago dituzten hiri hauetan, bertako errealitate soziala ezagutu eta bertako ezkerreko mugimendua ezagutzen saiatu gara. Italia osoan bezala, ikasle mugimenduak garrantzi handia dauka gazteen artean, honela aktiboki parte hartuz hiriko eraldaketa sozialean. Horrez gain, guk ere gure herriaren berri eman dugu 3 hitzaldi eskainiz unibertsitate eta gaztetxetan eta irrati libre batean pizan gara.

Gainera Erroman, Abenduaren 14ean jazotako Ikasle altsamenduari buruz hitz egiteko parada izan dugu. Egun hartan gertatutakoen bideoak erakutsi dizkigute eta azken urteetako ikasle boterearen indarra ikusteko aukera izan dugu. Baina zergatik altsa? Arrazoiak mila dituzte, Hezkuntza Ministra den Gelmini andereak hezkuntzaren gainean egindako azken aldaketak adibidez.

Read more…

Eguneratzea, Asteazkena 23:

Gasteizeko Kanpuseko Ikasle Mugimenduak mobilizazioekin jarraitzen du, gaur 235 pertsona inguruk manifestazioa burutu dute eta ondoren 24 orduko itxialdia abiatu dute Letren fakultatean. Gogoratu, itxialdi honen amaiera bihar 12:00etan burutuko duten agerraldia izango dela; bitartean agerraldi horretarako atxikimenduak biltzen lanean jarraitzen dute.

Bergaran ostegunerako Mobilizazio Eguna deitu denez paroak egingo dituzte ikastetxeetan. Izpuran itxialdia burutzen ari diren gazteen artean dago Aitziber Plazaola bergararra.

Zumaiako institutoan itxialdia eta kontzentrazioak burutzen ari dira. Izpurako itxialdiko albistea atera zen unetik ari dira mobilizazioak burutzen, bertakoa da Baxe Nafarroako herrian dauden gazteen artean aurkitzen den Beñat Lizeaga gaztea.

Asteartea 22:

Astelehenetik Izpuran itxialdia burutzen ari diren 8 gazteei elkartasuna adieraziko die datozen egunetan Gasteizko Kanpuseko Ikasle Mugimenduak. Frantziar eta Espainiar estatuen estrategia errepresiboa salatu eta euroaginduen aurkako jarrera argia azaldu nahi duten gazte hauen artean aurkitzen dira Xalba eta Aiala, letren fakultateko eta magisteritzako ikasleak, hurrenez hurren.

Gasteizko Kanpuseko Ikasle Mugimenduak babesa erakutsi nahi die beren kideei eta gainontzeko 6 gazteei, horregatik astean zehar Baxe Nafarroako herri honetan burutuko diren ekimenetan parte hartzeko deia luzatzeaz gain, kanpusean bertan ere mobilizazioak deitu dituzte.

- Otsailak 23, asteazkena, 12:00etan mobilizazioa aularioan.

- Otsailak 24, osteguna, 12:00etan agerraldi masiboa filoko hall-ean.

Jadanik hasi dira jendea mobilizatzeko lanetan. Astearte goizean goizetik fakultatez fakultate ibili dira Ostegunean burutuko den agerraldi masiborako atxikimendu bilketa bat burutzen. Norbanakoak (ikasle, irakasle eta langileak) eta klasez klasekako atxikimenduak biltzen aritu dira; adierazi digutenaren arabera, LABek eta ELAk jada baiezkoa emana diete, eta astea pasa ahala lan horretan jarraituko dute.

Italian dabilen gure kideari esan genion tarteka kronikatxo bat bidaltzeko, oporretan ez zegoela jendeari demostratzeko. Ba beno, kasu egin digu, bidali digu bere abenturen kontakizuna! Esan digunaren arabera, oso interesgarria izaten ari da bota itxurako herrialdera egiten ari den bisita. Bidali digun ohar berri honetan Italiako ezker mugimenduaz, ikasle mugimenduaz, unibertsitateak eta herriak duen harremanaz, poliziaz eta beste hainbat kontutaz hitz egin digu.

Zuk ere Italian barrena nola dabilen jarkin nahi baduzu, jarraitu irakurtzen!

Ciao Euskal Herria!!!

Italiako iparraldea utzi eta Romara bidean jarri gara, atzean utziz Toscana eta Italia iparraldeko hiri eta herriak. Esperientzia asko jaso eta elkartrukatu ditugu bertako ikasle nola gaztetxeetako gazteekin, bi herri oso ezberdinetan borroka bera dugula ulertuz. Egun hauetan zehar, etxean bezala sentituarazi gaituzte digute, gure herriarekiko maitasuna eta elkartasuna modu txalogarri batean adieraziz. Horregatik ezer baino lehen eskerrak eman nahi dizkiegu dizkiogu egun hauetako iniziatibak prestatu dituzten zein hauetan parte hartu duten jende orori. Mila esker!!!

Read more…

GaztEHerriak ere Larunbatean Bilbon egingo den manifestazioan parte hartzeko deia egin du, Ikasle Abertzaleak GaztEHerriako partaide izanik hementxe jarriko dugu euskal gazteriari bereziki eginiko deialdi hau:

Aldaketa garaiak datoz Euskal Herrira, itxaropenez ikusten ditugun garaiak, ilusioz beteriko garaiak.

Euskal Herriak, euskal herritarrak alegia, askatasunean bizitzeko hautua egina dauka. Azken hilabeteetan behin eta berriro ikusi ditugu Euskal Herriko kaleak jendez lepo, presoen eskubideen alde, errepresio bortitzaren kontra, askatasunaren alde… Denak, eskubide guztiak errespetatuak izango dituen eszenatoki berri baten eskean.

Oraingoan, proiektu politiko guztiak defendagarriak egingo dituen egoera berri baten exijentzian, sentsibilitate eta jatorri politiko oso ezberdinak dituzten herritar talde baten eskutik, berriro ere kalera ateratzeko deia luzatu digute.

Gazteok, gure etorkizuna askatasunean eta dagozkigun eskubideen bermearekin eraiki behar dugula behin eta berriro azpimarratu izan dugu. Horregatik, gazteok ere, ezinbestekoa dugu proiektu politiko guztiak zilegi direla aldarrikatzea, eta honekin batera, aukera politiko ezberdin guztien artean hautatzeko eskubidea bermatua izatea.

Hori dela eta, GaztEHerria osatzen dugun eragile zein norbanakook ere Bilbon izango gara. Euskal herritar bezala, euskal gazte bezala, dagozkigun eskubideen bermea exijitzeko. Honekin batera, azpimarratu nahi dugu ilegalizatua aurkitzen den sektore politiko oso baten eskubideak errespetatzea dela exijitzen duguna, sektore oso bat baita lan politikoa burutzeagatik errepresioaren jopuntuan aurkitzen dena, azken urtean 60tik gora gaztek pairatutako atxiloketa, tortura eta gartzeleratzeak erakusten duten bezala.

Egoera demokratikoa eraikitzeko beste pausu oso garrantzitsutzat hartzen dugu azken ekimen hau, bakea lortzeko bidean, euskal herritarroi dagozkigun eskubide zibil eta politikoen errespeturako beste bultzada bat, eta horregatik, Larunbatean, “Bakerantz LEGALIZAZIOA!” lelopean, Bilboko La Casillatik 17.30tan abiatuko den manifestaziora joateko deia luzatzen diogu euskal gazteriari.

Protestas ante la votación de la reforma universitaria en el Senado italiano Gara

Miles de estudiantes rechazan en Italia el recorte universitario EL PAIS

Los manifestantes critican la reducción de fondos para investigación y becas EL PAIS

Londres: estudiantes chocan con la policía

Los estudiantes se manifestaban contra la decisión del Parlamento británico de aumentar los derechos de matrícula en Inglaterra hasta 9.000 libras (US$14.000) por año. BBC

Italian, Ingalaterran… Europako herri askotan zerbait gertatzen ari da. Unibertsitate eta ikastetxeetako gelak hustu eta ikasleak kalera ateratzen ari dira! Bolognaren aurrean bada oraindik borrokatzeko prest dagoen ikasle mugimendua sendo bat!!!

Duela 6 bat urte Italiako ikasleen eskutik jakin genuen ECTS kreditu sistemak eta gradu berriek “full time” eredua ekarriko zigutela; gaur, egunero ikusten ditugu kafetegi eta pasilo hutsak eta lanak ezin amaitu dabiltzan ikaslez beteriko liburutegiak. Non dago unibertsitateak historikoki izan duen giro bizi hori? Non daude bor-bor egiten zuten protestak? Non eztabaida amaiezinak? Non geratu dira lehen unibertsitatean soilik pentsa zitezkeen ideia zoro haiek? Eta, zer arraio! non daude hainbeste maite genituen ostegun gauak? Liburutegi eta gure etxeetako geletan galdu dira guztiak! Bai, liburuetatik gauza asko ikas daitezke, baina desagertzen ari diren esperientzia horiek guztiak ezin dira ezerekin ordezkatu! Bizitzeko ikastetik, ikasteko bizitzera pasa gara!

Italian eta Ingalaterran gertatzen hari diren ikasle borroken gaira itzuliz, hausnartzen jarri gara gu ere. Guztiok dakigunez, Euskal Herrian ditugun unibertsitateak ez daude Bologna prosezuaren abangoardian, hein handi batean, ikasleok prozesua bera gelditzeko emandako borroken ondorioz. Baina hala ere, gure aldarrikapenei entzungor eginda aurrera doaz inposaketaren bidean. Bologna prozesua deitu diogunak erritmo ezberdinak izan ditu Europako herrialde ezberdinetan, honela beste lurralde askotan hemen baino lehenago ezagutu dituzte prozesuaren gorabeheran, eta horrek gurera etorriko diren aldaketa berriak identifikatzere eramaten gaitu.

Read more…

Sasiak haziz doaz Euskal Herri luze eta zabalean, baita unibertsitate eta ikastetxeetara iritsi ere. Euskalduntzen ez duten hizkuntza ereduekin aski ez eta orain, Celaa eta Catalanek kudeatzen dituzten administrazioek Trilinguismoa eta TIL arantzak sartu eta euren pozoi espainolista zabaltzera datoz.

Eleaniztasunaren izenean hitz egin arren, ikasleon euskaraz ikasi eta bizitzeko eskubideak urratzen dituzten neurriak ezartzen dituzte. Modu honetan, herri oso baten euskalduntze nahiarekin eten eta nortasun arrotzetan hezi nahi gaituzte. Ikasle Abertzaleok ez gaude hau onartzeko prest, ordea.

Izan ere, euskal ikasleok euskara bera sustatu eta bermatuko duen hizkuntza ereduak nahi eta behar ditugu. Euskal nortasunean hezi eta gure herriaren jakitun egingo gaituen hezkuntza eredu baten partaide aktibo izan nahi dugu. Horrela hezkuntza komunitatea osatzen dugun kideon artean, ikasleon nahiz Euskal Herriaren mesedetarako izango den Hezkuntza Sistema Nazional bat eraikiko dugu.

Horregatik, datorren otsailaren 12an Ikasle Abertzaleok Donostian izango gara, hizkuntza eredu arrotzen gainetik eskola euskalduna aldarrikatu eta hezkuntza sistema propioa eraikitze bidean burujabetzaren alde egingo dugu.

Trilinguismoa eta TIL ereduen gainetik, ikasle borrokaz eskola euskalduna lortuko dugulako!!!