Ehunka herritar bildu da Sortzen Ikasbatuaz-ek Larragan antolatutako jaian. Hizkuntza exodoaren kontrako egun honetan, euskaraz ikasi ahal izateko inguruko haurrek egin behar dituzten kilometro guztiak salatu dituzte. Gainera, Nafarroa eta Euskal Herri osoan euskaraz ikasteko dugun eskubidea aldarrikatu dute.

Hona hemen eguneko argazki batzuk: klik hemen

info+: gara.net

Sortzen Ikasbatuazen oharra:

Zoriondu lehenbizi, Larragara bertaratu diren herritar guztiei.

Jendetza bildu da (milaka) gaurkoan ere ofizialtasunaren aldeko eta hizkuntza exodoa zein zonifikazioaren aurkako jai-aldarrikatzaile honetan. Zonifikazioarekin eta hizkuntza exodoarekin amaitu eta euskararen ofizialtasuna lortuko dela konbentzimendua zabaltzen ari da.

Urtetik urtera geroz eta jende gehiago biltzen ari da aldarrikapen honen inguruan. Auzo eta herri guztietan euskaraz bizitzeko aldarrikapena geroz eta ozenago entzuten ari da. Zonalde “ez” euskaldunean geroz eta jende gehiago antolatzen ari da aldarrikapen honen helburua gurera ekartzeko. Urtetik urtera, jaiaren antolakuntzan geroz eta herritar gehiago ari da hartzen antolakuntza lanetan ibiltzeko konpromezua. Aurtengoa, hirugarren urtea da. Lehengoa Artaxoan izan zen eta bigarrena Mendigorrian.

EGITARAUAREN BALORAZIOA

Musika goiz goizetik herriko kaleetan zehar: zanpantzarrak, dultzainak, trikiak, batukada, txistuak, euskal kantak, jotak, txalaparta…

Eskola ibiltariaz ederki gozatu dute bertaratutako guztiek. 1512ko hitzaldi ibiltarian Nafar estatuaren konkistaz solastu dira gogoz.

Ekitaldian jendetza bildu da plazan. Plaza beteta. Ekitaldiaren momentu hunkigarriena hizkuntza exodoaren erruz bizia galdu zuen Adrian gaztetxoaren ama den Arantxak hitza hartu duenean iritsi da: eskerrak eman dizkie bertaratutako guztiei, eta hizkuntza exodoari egunez egun aurre egin eta euren seme alabak euskaraz ikasteko apustu irmoa egiten duten gurasoei babesa osoa adierazi die.

Popi eta Zarratrako Pailazoen inguruan haurrak eta haurrak pilatu dira algara eta irriak nagusituz. Herri Bazkarian ehunka herritar batu da.

Ordu hauetan egundoko giroa dago. Ikasle, guraso, ume, heldu… kaleetan zehar hizkuntza exodoarekin amaitu eta ofizialtasunaren aldeko aldarria txoko batetik bestera eramanez.

Etiketak: Info

Iruzkin bat utzi


  • Artxiboa