Aurrekoa “Desobedientziaz irauli!” astea izan zen. Honek erreformen diagnostikoa egitea zuen helburu hezigunez hezigune, ikastetxeetan eta unibertsitateetan. Diagnostikoen bidez hezigune bakoitzean erreformen inposaketa zein egoeratan dagoen aztertu ahal izan dugu, inposatzaileak markatuz. Gainera, desobedientziarako bidea egiten hasi gara: zuzendaritzarekin bildu arte klaseetara ez sartzen, sentadak eginez, zuzendaritza markatz, UPVko errektorearekin EU2015n inguruan hitzegiteko bilkura lortu arte fakultateak blokeatzen… Hezkuntza ertainean LOMCE eta Heziberri, eta unibertsitateetan EU2015 ikasle borrokaz gelditzeko eta hezkuntza herritik eta herriaren mesedetan jartzeko behar handia dago eta horretarako desobedientzia eraikitzailea jada garatzen hastea beharrezkoa da.

Hona hemen aurreko asteko hainbat ekimen:

Oarsoaldea


Irakurketa:

Atzo, azaroak 27, Andoni Ortuzarrek Oiartzunen eman behar zuen hitzaldiaren aurrean, Oarsoaldeako ikasleok kontzentrazio zaratatsua burutzeko deialdia egin genuen, Heziberriren aurkako jarrera erakusteko asmoz.
 
Arratsaldeko 19:00etan HEZIBERRI=EUSKAL LOMCE pankartaren atzean elkartu ginen 70 bat herritar, kalez jantzitako polizia artean.
 
Ortuzar iritsi zenean, txistu eta oihu artean irribarre ironiko batez agurtu gintuen eskua altxatuz. Gainera hitzaldira zihoazen entzuleetako batzuk keinu lotsagarriak egin zizkiguten, haien heldutasun falta argi eta garbi erakutsiz.
 
Barnean zeudela, mugikorrekin grabatzeari ekin zioten eta honen aurrean atera hurbiltzera erabaki genuen. Tentsio momentu baten ondoren sirena hotsak entzun eta porraz zein gomazko pilota modukoak jaurtitzen dituzten eskopetekin armatutako ertzainek jarrera oldarkorrez inguratu gintuzten, hitzaldia burutuko zen liburutegitik asko aldenduz.
 
Gure jarrera erabat lasaia zen bitartean ezer egin ez zuten 3 gazte identifikatu zituzten, 600€ ko isuna jasoko dutela adieraziz. Honen aurrean kontzentrazioa bertan behera uztea erabaki genuen, identifikazio gehiago egon ez zitezen.
 
Atzoko gertaeren aurrean PNVri adierazi nahi diogu beraien aurrean egoten jarraituko dugula eta ez gaituztela beldurtuko. Heziberri plana bertan behera utzi arte borrokan tinko jarraituko dugu!
 
HEZIBERRIri EZ! GUK EUSKAL ESKOLA NAZIONALA!
 
Oarsoaldeako Ikasle Abertzaleak

Goierri

 

 

Zarautz

 

 

Donostia

 

 

Bilbo

ICE ikastetxearen kasuan aste osoa burrunbadak eta kontzentrak egiten ibili ziren. Azkenean, eserialdien bidez irakasleekin batzea eta astearterako biltzar bat finkatzea lortu zuten, benetan ikastetxean zuzendaritzak LOMCE nola inposatuko duen jakiteko edo desobedientzia nola egingo zaion adosteko.

Iruzkin bat utzi


  • Artxiboa