|
Osteguna, 2009(e)ko otsaila(r)en 19-(e)an 11:44etan |
|
Adi! Kontuz! Euskal ikasleon eta Euskal Herriaren aurkako beste eraso bat!
Tontxu Camposek eta bere alderdiak ahalbidetuta, parlamentuan EAErako batxilergoko curriculumaren dekretu berria onartu zen orain aste pare bat. Hezkuntza sistema arrotzei men egiten die curriculum bat baino ez da honakoa. Ez gaitzatela engainatu.
Euskal Curriculuma oinarri izango duen Hezkuntza Sistema Nazionala eraikitzetik urrun, Tontxu Campos eta bere alderdiak (EAk) lehengo lepotik daukate burua. Oraingoan ere, ez dute nahikoa ausardia politikorik izan eta herri hau berriz ere, espainiar curriculumaren itzalean bizitzera kondenatu nahi dute.
Batxilergoko curriculuma da orain aste pare bat parlamentuan era guztiz ezkutuko batean onartu zena. Batxilergoko ikasleok zer ikasi behar dugun izugarrizko arinkeriaz pasatu zen beraien hitzetan herri honen subiranotasuna ordezkatzen duen marko gorenetik, parlamentutik alegia. Hau al da Tontxuk gure etorkizunari ematen dion garrantzia? Edo bestela, zergatik onartzen dute legea hain modu isilean? Ikasleak eta herri mugimendua ados ez gaudela eta erantzungo dugunaren beldur al dira?
Ba egia da, ez gaude ados. Espainiar historia, espainiar geografia, espainiar kultura |
